બારા ખડી છે-મોહમ્મદઅલી ભૈડુ"વફા"

સમયની આ પાંખો કયાં ક્યાં ઉડીછે.
છતાંયે આ દુનિયા બારા ખડી છે.

ઉછીના બે સ્વાસો અર્પી શકે ના,
પગે બેડી મજબુર કેવી પડી છે.

કોઇ ચાંદ તારા ની વાતો નથી આ,
જુઓ ભુખ કોની આ ભીખે ચડી છે.

જરા સુરજને કોઇ જઈને તો પુછો;
અંધારાની ફીરકી કયાં,માથે મઢી છે.

બધા બાગ સુકા ,બધી આંખ તરસી
વરસો હવે તો ત્રુષા ની ઘડીછે.

ઉદાસીના વાવો ઊલેચી જુઓને,
"વફા"ત્યાં અમારી રંગોળી ઢળી છે.

મોહમ્મદઅલી ભૈડુ"વફા"૪માર્ચ્૨૦૦૬