Tuesday, June 06, 2006

મેઁ આજે ફરી વાર.......-ગુલામમોહમ્મદ શેખ

મેઁ આજે ફરીવાર જોયુઁ
કે એકને એક વાત રહી રહીને તમારી અંખમાઁ ડોકાય છે.
તમે ફરી દીવાલોની આરપાર જોઈ ર્હ્યા છો.
તમે ફરી વાર બારણાની તિરાડોમાઁ તાકી રહ્યા છો.
ફરી પાછા
વ્રુક્ષની અઁદર પ્રવેશતી ઊધઈ જેમ
સમયના પાછલાઁ પગલાઁ ચીતરી રહ્યા છો,
વર્ષોથી સવાર થઈ ગયેલ ભૂમિ પર
વિસ્તરતા ઘાસની માફક
તમે ફરી ફેલાવા માંડ્યા છો.
સદીઓ લગી જીવોની હિજરાયેલી વેદના
તમારી જરાક ઉઘડેલી આંખોમા પ્રગટી છે.
આદિ માંનવની જેમ તમે પહેલો પ્રણયોચ્ચાર કરવા તત્પર ઊઠયા છો.
પયગમ્બરની જેમ તમે પાપનો એકરાર કરતાઁ ચમકતા નથી,
તમારામાઁ હવે તમે પ્રવેશી રહ્યા છો.
થોડો વખત ભલે તમે દૂર રહ્યા પણ હવે તમે નહીઁ જઈ શકો.
-ગુલામમોહમ્મદ શેખ.

0 Comments:

Post a Comment

<< Home

Counters
Web Site Counter
Web Site Counter