ગઝલકાર છું હું- સુલેમાન દેસાઇ “જિદ્દી લુવારવી”

જુઓતો બધી રીતે લાચાર છું હું
ગુનાઓની માફીનો તલબગાર છું હું

સબ્ર યે કરું છું ને હું શુક્ર એ કરું છું
ન રંક છું ખુદા ન માલદાર છું હું

ન દેતા ભુલાવી તમારી નજરથી
તમારી મહેફિલનો યાદગાર છું હું

તમે મારા બનીને ન વાતો છુપાવો
તમારી વાતોનો ખરે રાઝદાર છું હું

વાતોના બદલે ઇશારા કરો છો
ઇશારાનો પણ સમજદાર છું હું

ન શંકા ઉઠાવો સરખા બધા છે
ન કોઇનો ખોટો તરફદાર છું હું

જિદ્દી બધાને નથી પરિચય તમારો
કહોને અદના ગઝલકાર છું હું

સુલેમાન દેસાઇ “જિદ્દી લુવારવી”
કેમ્બ્રીજ,કેનેડા 22મે2006