ઉડ્ડયન કરૂં છું - સુલેમાન દેસાઇ “જિદ્દી લુવારવી”

ઉડ્ડયન કરૂં છું - સુલેમાન દેસાઇ “જિદ્દી લુવારવી”

ઉડ્ડયન કરૂં છું

કલ્પનાની પાંખે ઉડ્ડયન કરૂ છું
રહીને વિદેશે વતનમાં ફરૂં છું

વહ્યા કરે ને ન એ થાય ખાલી
નયનમાઁ અશ્રુનો દરિયો ભરૂં છું

મળુઁજો ન પ્રત્યક્ષ તો ચિંતા ન કરતાં
સપન માઁ હુઁ આવી તમોને મળું છું

તમારા સમક્ષ જ્યાઁ થયોછુઁ હું હાજર
ધરા પર રહીને ગગનમાં ફરું છું

ભલે રંક છતાં છું ખુદ્દાર હુંપણ
ખુદા વિણ ન કોઇ બીજાથી ડરું છું

આ દુનિયામાં મારી હસ્તી છે એવી
તણખલું થઇને હુઁ જળમાં તરૂં છું

જીવનમાં ઘણીવાર વાગી છે ઠોકર
હવે‘જિદ્દી’ વિચારીને ડગલા ભરૂં છું

સુલેમાન દેસાઇ “જિદ્દી લુવારવી”

કેમ્બ્રીજ, કેનેડા 25જુન,2006

છન્દ: લગાગા,લગાગા.,લગાગા,લગાગા