ચાંદની ડસતી રહી આદિલ મન્સૂરી
પથ્થરોને ચાંદની ડસતી રહી,
રાત ખૂણામાં ઉભી હસતી રહી.
શ્વાન તો પોઢી ગયા મધરાતના,
ને ગલી એકાંન્તની ભસતી રહી.
મન, જે એના સ્પર્શને ઝંખી રહ્યું.
આંખ એના હેમને કસતી રહી.
આંખ તો કયારેય સુકાઈ નહીં.
ને હ્યદયમાં ભેખડો ધસતી રહી.
મારા પડછાયાને હું ધકકેલતો,
એની છાયા લઈને એ ખસતી રહી.
સેંકડો આવ્યા અને ચાલ્યા ગયા,
તોય દુનિયામાં ઘણી વસ્તી રહી.
અંતકાળે લેશ પણ પીડા નથી.
જિંદગીભર મોતની મસ્તી રહી.
આદિલ મન્સૂરી
ગઝલ સંગ્રહ "મળે ન મળે" માંથી સાભાર
1 Comments:
અંતકાળે લેશ પણ પીડા નથી.
જિંદગીભર મોતની મસ્તી રહી.
kharekhar khub j sundar ghazal anhi raju kari chhe. very nice. thanks!
Post a Comment
<< Home