Monday, February 19, 2007

ક્યાં સુધી જશે! ગુલામ અબ્બાસ

પાગલ હ્રદય આ લાગણી પણ ક્યાં સુધી જશે!
ઠોકર જો મળશે માર્ગમાં પાછી વળી જશે!

મઝધારથી શું ભય ને કિનારાનો મોહ શું!
શ્રધ્દ્રા છે જ્યારે પૂરી કે નૌકા ડુબી જશે.

એ ચીસ જેવી ચીસને પણ અવગણી ગયા,
ને ધારણા હતી કે ઇશારો કળી જશે.

ભર ઊંઘમાંય આવે ન હોઠો ઉપર એ નામ,
ભીંતોને કાન હોય છે તે સાંભળી જશે.

આવ્યો પ્રસંગ સુખનો, જીરવજે સભાન થઈ,
આદત વગરનું હાસ્ય તો આંખો ભરી જશે.

'અબ્બાસ' બીજું કઇ નહીં સોબતની હો અસર
મસ્જિદમાં જઈને બેસ, નમાજ આવડી જશે.

ગુલામ અબ્બાસ
ગઝલ સંગ્રહ 'ઉચાટ' માંથી સાભાર

1 Comments:

At 22 February, 2007, Anonymous Anonymous said...

સુંદર વાત!

 

Post a Comment

<< Home

Counters
Web Site Counter
Web Site Counter