Monday, February 26, 2007

જિગર ટંકારવી અને એમની ગઝલો

પરિચય

જિગર ટંકારવી
નામ : ઈબ્રાહીમ અહમદ પટેલ
ઉપનામ : જિગર ટંકારવી
જન્મ સ્થળ: ટંકારી બન્દર
તા: જઁબુસર જિ.ભરૂચ
અભ્યાસ : બી.એસ.સી
વ્યવસાય : સરકારી સેવામાઁથી નિવ્રૃત
વહોરા સમાચાર માસિકના
સહતંત્રી પદે.
પ્રકાશનો : ચૂપ નામનુઁ અનિયત કાલિક ગઝલ પત્ર
કોઇ નામનુઁ અનિયત કાલિક ગઝલ પત્રનુઁ સહ સઁપાદન
ગુજlish ગઝલોનુઁ સહ સઁપાદન
ફૂલવસો ગઝલ સંગ્રહ

હાલનુઁ સરનામુઁ: રિયાઝ મઁઝિલ ,અલીફ નગર,તિઘરા રોડ
પો.કાલિયાવાડી_396 427
તા.જિ. નવસારી(ગુજરાત)

માણો એમની બે સુઁદર ગઝલો.


હાથમાઁ

કૈઁક લીલુઁ સમ ઉગાડો હાથમાઁ
રેખના હરણાઁ ને પાળો હાથમાઁ

વેરનો કેવોય હો રસ્તો વિકટ
હાથ સબઁધોના આપો હાથમાઁ

ભેદની મુઠ્ઠી ન ઉઘડે ત્યાઁ સુધી
ખાલીપો ઝૂર્યે જવાનો હાથમાઁ

ભાગ્યનુઁ જંગલ ગહેકશે કોઇનુઁ
મોર મેઁદીનો કળાયો હાથમાઁ

એકનો તો એક પણ દેખાય ના
એકમાઁતો એક આખો હાથમાઁ

_જિગર ટંકારવી(ફૂલવાસો)



વાતાવરણ


આવ સથે માણીએ બે એક ક્ષણ
આજ માફક લાગતુઁ વાતાવરણ

બઁધ બારી રાખવી ગમતે મને
પણ જરૂરી છે હવા ,અજવાશ પણ

વાત ખુશ્બોશી પ્રસરતી જાય છે
મૌન તારુઁ ફૂલ જેવુઁ છે સજણ

પ્રાત: સાથે અંત પ્રતીક્ષાનો થશે
એટલે મીઠુઁ કર્યુઁ છે જાગરણ

એક આશાની ખજૂરી શોધુઁ છુઁ
સૂર્ય માથે ને ઉડે છે રેત કણ

_જિગર ટંકારવી(ફૂલવાસો)

2 Comments:

At 26 February, 2007, Anonymous ધવલ said...

એક આશાની ખજૂરી શોધું છું
સૂર્ય માથે ને ઉડે છે રેત કણ

- સરસ !

 
At 28 February, 2007, Anonymous સુરેશ જાની said...

તેમના જીવન વિશે વધુ માહીતિ આપશો તો આપણે પ્રકાશિત કરીશું. બહુ જ સરસ લખે છે. નવસારી પણ રત્નોથી ભરેલું છે.

 

Post a Comment

Links to this post:

Create a Link

<< Home

Counters
Web Site Counter
Web Site Counter